«Սպարապետի հետ» խորագրով միջոցառում Արգավանդի միջնակարգ դպրոցում

Իրականացվեց հիշատակի և ոգեշնչման արարողություն: Երեխաները հպարտ են, քանի որ ապրում են նրա ստեղծած անվտանգ Հայաստանում: Միջոցառման ընթացքում դիտեցին տեսագրություն, որտեղ Սպարապետի ծնողները պատմում էին նրա ուսման, ստեղծագործությունների և հերոսական մարտում կատարած սխրանքների մասին:

 

7-րդ դասարանի երեխաները նախապես այցելել էին Վ. Սարգսյանի տուն-թանգարան և մեծ տպավորություններով ու ոգևորությամբ վերադարձել: Մի քանի օր առաջ այցելեցին Եռաբլուր զինվորական պանթեոն, ծաղկեպսակադրության ու հարգանքի տուրքի մատուցման արարողություն կատարեցին Վ. Սարգսյանի շիրիմին:

 

Հայոց բանակը որպես փաստ և իրողություն դրված է աշխարհի ուժերի նժարին: Հիմա այլևս այն ժամանակները չեն, թե մեծաթիվ բանակի մեջ է հաղթանակը: Այժմ առաջին պլան է մղվել բարձր մարտավարությունը, զենքի կատարյալ տիրապետումը, ժամանակակից ռազմավարական գիտելիքները: Փա՛ռք Սպարապետին, որ այսօր մենք ունենք հայկական բանակ: Փա՛ռք այն զինվորներին ու մեր եղբայներին, որոնց այսօրվա ծառայության շնորհիվ մենք ապրում ենք խաղաղ ու երջանիկ:

 

7-րդ դասարանի տղաները նույնպես հպարտ էին, որ հայկական բանակի ապագա զինվորները իրենք են լինելու: