Սպարապետ Վազգեն Սարգսյանին նվիրված միջոցառում Եղեգնաձորի ավագ դպրոցում

Եղեգնաձորի ավագ դպրոցի 9-րդ, 10-րդ, 11-րդ դասարանների սաները այսպես սկսեցին Սպարապետի ծննդյան տարեդարձին նվիրված մեծարանքի խոսք-ցերեկույթը: Երեխաների թե՛ արձակ, թե՛ չափածո ելույթները, երգերն ու ՀՀ և Արցախի  հերոսի ընկերների հիշողությունները պարուրված էին մեծագույն սիրով, լի էին հարգանքով, պատկառանքով: 

 

Մարդկային մեծ արժանիքներով օժտված անհատականությունը, ստեղծագործողը, մանկավարժը, մեծն զինվորը մեծ հայրենասեր էր, ճշմարիտ մարդ և ուսուցիչ: Այսօր էլ նրա հերոսական կերպարը սթափեցնում է սերունդներին, ոգեշնչում և ուղղորդում նորանոր քաջագործությունների:

 

Այսպես էին ընկալում թե՛ մասնակից երեխաները, թե՛ հուզված հանդիսատեսը: Ներկա էին Վայոց ձոր մարզի մարզպետ պարոն Է. Ղազարյանը, մարզպետարանի բազմաթիվ աշխատակիցներ, մարզային դպրոցների տնօրեններ և զինղեկներ, ծնողներ:

 

Անսահման էր հուզմունքը, ափսոսանքը...