Ցերեկույթ՝ նվիրված Հ. Թումանյանի ծննդյան 145-ամյակին

Ցերեկույթը կազմակերպել էր դպրոցի հայոց լեզվի և գրականության ուսուցչուհի Թ.Արզումանյանը VI «ա» դասարանի աշակերտների ուժերով:

 

Բեմադրվել էին Հ. Թումանյանի 11 հեքիաթներ՝ «Անխելք մարդը», «Կիկոսի մահը», «Անբան Հուռին», «Ձախորդ  փանոսը», «Քաջ Նազարը», «Ոսկու կարասը», «Սուտասանը», «Բարեկենդանը», «Ոսկի քաղաքը», «Մոխրոտը», «Կարմիր գլխարկը»:

 

Աշակերտներից մեկը կերպավորել էր Հ.Թումանյանին, իսկ մյուսները՝ հեքիաթների հերոսներին: Ցերեկույթին մասնակցում էր ողջ դասարանը՝ թվով 26 աշակերտ, նաև ներառական կրթություն ստացող աշակերտները:

 

Ցերեկույթի նպատակն էր ներկայացնել Հ. Թումանյանի հանճարի մեծությունը, արժանի հարգանքի ու մեծարանքի տուրք մատուցել հանճարեղ գրողի հիշատակին և մեկնաբանել հեքիաթների գաղափարական խորությունը՝ այդ գաղափարները ծառայեցնելով աշակերտների ուսումնադաստիարակչական խնդիրներին ու նպատակներին:

 

Ցերեկույթի ավարտին դահլիճում գտնվող աշակերտների հետ կազմակերպվեց վիկտորինա՝ բեմադրված հեքիաթների շուրջ: