Բաց դաս «Բուրատինոն իմանում է Ոսկե բանալու գաղտնիքը» խորագրով

Երեխաները վեր հանեցին իրենց գիտելիքները հեքիաթի մասին, որպես ժողովրդական բանահյուսության ժանր, ասացին, թե որ բառերով են հաճախակի սկսվում և ավարտվում հեքիաթները, ինչ է սովորեցնում հեքիաթը, նշեցին հեքիաթի տեսակները:

 

Մինչ հեքիաթին անցնելը երեխաները ներկայացրին կարճ տեղեկություններ հեղինակի և հեքիաթի մասին: Այնուհետև նրանք թղթե քոթուկից կերտեցին Բուրատինոյի պատկերը:

 

Հաջորդ փուլում աշակերտները մաս առ մաս ընթերցում էին հեքիաթը և դասավորում գրատախտակին փակցված խճանկարը այնպես, որ ստացվի հատվածի ամբողջական պատկերը:

 

Երեխաներին հանելուկի միջոցով առաջադրվեց գտնել Ոսկե բանալու գաղտնիքը: Բնագիրը ընթերցելուց հետո երեխաները առանձնացրեցին բարի և չար կերպարները և աղյուսակում, օգտվելով բնագրից, դուրս գրեցին դրանց բնութագրող հատկանիշները:

 

Այնուհետև բարի կերպարների հատկանիշները օգտագործվեցին Բուրատինո բառով աքրոստիկոս կազմելու համար, որը կաըարվեց կոլեկտիվի աշխատանքի միջոցով: Որոշ երեխաներ ցանկություն հայտնեցին ինքնուրույն կազմել աքրոստիկոս: Այդ աշխատանքները ընթերցվեցին և արժանացան բարձր գնահատականի:

 

Դասի վերջում երեխաները հիշեցին առած-ասացվածքներ բարու և չարի վերաբերյալ. «Բարին որ չլիներ, չարն աշխարհը կքանդեր», «Չկա չարիք առանց բարիքի» և այլն:

 

Դասն ամփոփվեց վերջին հղումով. «Չարերը որքան էլ համախմբվեն, միևնույն է, բարին միշտ հաղթում է»: