«Հուշարձան մայրիկիս» խորագիրը կրող միջոցառում Թաիրովի միջնակարգ դպրոցում

Մայրերին էր նվիրված Թաիրովի միջնակարգ դպրոցում կազմակերպված գրական-երաժշտական ցերեկույթը՝ «Հուշարձան մայրիկիս» խորագրով:

 

Հովհաննես Շիրազի մարդերգության մեջ առանձնահատուկ տեղ է գրավում մայրերգությունը: «Հուշարձան մայրիկիս» բնորոշումը, որով Շիրազը համախմբեց ու վերնագրեց իր այդ բնույթի բանաստեղծությունները, հուշարձան է մոր խորհրդանշական կերպարով բնութագրվող մարդկությանը:

 

Ցերեկույթին մասնակցում էին V «բ», V «ա» և X դասարանի աշակերտները «Մամա» երգի հնչյունների ներքո աշակերտները մտան դահլիճ: Այնուհետև ներկայացրին Շիրազի կենսագրությունը, ասմունքեցին «Հուշարձան մայրիկիս» ժողովածուի բանաստեղծություններից: Հրաշալի երգեցին մայրիկին նվիրված երգեր՝ համապատասխան թեմաներին համահունչ սահիկներ ներկայացնելով: Հուզիչ երգի հնչյունները թափանցեցին ներկաների սրտերը, ամբողջ դահլիճը քար լռության մեջ էր: Հուզվել էին թե՛ ուսուցիչները, թե՛ ծնողները և թե՛ աշակերտները:

 

Նպատակն է լինել էլ ավելի ուշադիր սիրելի մայրերի նկատմամբ չնեղացնել նրանց, սիրել, փայփայել և ամեն օր ասել.

-Ես սիրում եմ քեզ, մամ...

 

Քանի մայրը կա՝

Խիղճը չի մեռնի,

Քանի խիղճը կա՝

Աստված կհառնի...