Միջոցառում Գանձակ գյուղի թիվ 2 դպրոցում

Միջոցառման նպատակն էր` արթնացնել սեր դեպի մայր լեզուն: Գիտակցել մայրենի լեզվի անհրաժեշտությունը և առաջնայնությունն ազգի պահպանման ու գոյատևման գործում: Հայրենասիրության և հայրենիքին նվիրվածության սերմանում: Զորավիգ լինել հայ երգերի ու տաղերի պահպանմանը, մայրենին անաղարտ պահելուն:

 

Աշակերտները միջոցառման ընթացքում խոսում էին անաղարտ մայրենիով, գովերգում նրա անցած հերոսական ուղին:

 

Մայրենի լեզվին նվիրված երգերը, աշակերտների հեզանազ հայկական պարերը, մայրենիին մի առանձին համ ու հոտ տվող բառբառներով զրույցներն ու պատմությունները, մաքուր հայերենով արտասանած բանաստեղծությունները հաճելի պահեր պարգևեցին ներկաներին:

 

Աշակերտները ասացին մայրենի լեզվին նվիրված առակներ, ասացվածքներ, ասույթներ, լեզվի կարևորության մասին թևավոր խոսքեր:

 

Նրանց խոսքերից ներկաները հասկացան, որ շատ լեզուների իմացությունը կարևոր է մարդու համար, բայց ամենից թանկը, ամենից զորեղը մայրենի լեզվին տիրապետելն է և անաղարտ պահելը:

 

Աշակերտները միջոցառումը եզրափակեցին մեր բանաստեղծների հետևյալ խոսքերով.

- Ով Արարատ ունի սրտում`

Իր հայ լեզուն չի մոռանա:

- ՈՒրեմն ե՛կ , փառաբանե՛նք, փայլեցնե՛նք թրի նման, 

Որ շողշողա արևի տակ հավե՜տ, պայծա՜ռ, հայո՛ց լեզուն: