Դաս-միջոցառում թիվ 39 դպրոցում

Յուրաքանչյուր դասարանում Թումանյանը ներկայացավ յուրովի, ինքնատիպ: Մեծ Լոռեցին փիսիկի հետ գանգատ արեց, գրիչի հետ ծուռ-մուռ գրեց, Անուշի սիրով Դեբեդի ափերը ծեծեց ու իր ժողովրդի հառաչանքն աստծուն հասցրեց:

 

Հնչեցին հատվածներ մեծ գրողի կենսագրությունից, հանճարեղ գործերից: Բաց դասերից մի քանիսն ամփոփվում էին Թումանյանին նվիրված շնորհանդեսներով, իսկ օրվա տրամադրությունն ավելի տպավորիչ էր դարձնում Տիգրան Մանսուրյանի չքնաղ երաժշտությունը:

 

Ամենայն հայոց բանաստեղծն ու գիրքն անբաժան են: Օրվա խորհուրդն էլ, անտարակույս, դա էր: Երեխաները սիրով ընկալում և նույնքան պատրաստակամ մեծարում ու միմյանց էին նվիրում գիրքը` գիտելիքի աղբյուրն ու անդավաճան ուղեկիցը: Կատարվածն անչափ ուսանելի ու գեղեցիկ էր: