Միջոցառումը նվիրված էր ամենայն հայոց բանաստեղծին…

V «ա» դասարանի աշակերտներն իրենց ուսուցչուհի Ն. Վարդանյանի հետ դասասենյակը վերածել էին հեքիաթային փոքրիկ աշխարհի. Խայտաբղետ գորգեր, գրասեղան, պաստառներ, բանաստեղծի և նրա ընտանիքի լուսանկարներ, Լոռվա չքնաղ բնապատկերներ:

 

Աշակերտներն իրենց արտահայտիչ ասմունքով, դերասանական վարպետությամբ ներկաներին տեղափոխեցին անմահ լոռեցու վառ ու գունեղ աշխարհը, որտեղ հավաքվել էին նրա բոլոր հեքաթների հերոսները: Շնորհիվ հմուտ ուսուցչուհու` բեմադրությունը ծաղկաքաղ էր հիշեցնում, որն աշակերտների գեղեցիկ կատարումից դառնում էր մի ամբողջություն:

 

Միջոցառման ավարտին, չխախտելով օրվա խորհուրդը, աշակերտները գրքեր նվիրեցին միմյանց:

 

Դասարանը թնդում էր թումանյանական հանճարի հզոր շնչից: Մեծ գրողի ոգին երեխաների մեջ էր, և նրանք սիրահարվել էին գյուղական պարզ խոսքին ու «մանուկ» Թումանյանին: