Անգլերենի ասմունքի մրցույթ Հրազդանի թիվ 12 դպրոցում

Մրցույթին մասնակցում էին 7-9-րդ դասարանների 18 աշակերտներ, ովքեր անգլերենի ուսուցչուհի Շաքե Գույումջյանի աջակցությամբ մեծ ոգևորությամբ էին պատրաստվել մրցույթին: Մրցույթը բավականին լավ էր կազմակերպված: Երեխաները արտասանեցին տարբեր հեղինակներից ստեղծագործություններ` իրենց կողմից պատրաստված ցուցավահանակի մոտ, որի վրա անգլերենով գրված էր. «Մենք հնարավորություն ենք տալիս մեր աշակերտին բացահայտել անգլիական ասմունքի գեղեցկությունը և արտահայտիչ ուժը»:

 

Նրանք կրծքներին կրում էին «Ազգային ասմունքի մրցույթ» տարբերանշանները:

 

Ժյուրիի կազմում ընդգրկված էին «Խաղաղության կորպուսի» կամավորներ Ջիմ Դեյլը, Մայքլ Կանսելիերին և նրա օգնական Սոֆի Ներսիսյանը:

 

Բոլոր մասնակից երեխաները ամերիկացի կամավորների կողմից ստացան հուշանվերներ:

 

Մրցույթի հաղթողներ ճանաչվեցին և մյուս փուլ անցան Եղիազարյան Վահեն (7-րդ դասարան), Հայրապետյան Լաուրան (8-րդ դասարան) և Միրզոյան Անուշը ( 9-րդ դասարան):