«Ապրենք հայերեն, խոսենք հայերեն, խորհենք հայերեն» խորագրով միջոցառում

Ոսկեղենիկ մայրենիին նվիրված միջոցառումը սկսվեց հայոց լեզուն փառաբանող բանաստեղծություններով և ասույթներով, ինչպես նաև վերհիշեցին գրաբարը, բարբառները:

 

Միջոցառումը սկզբունքայնորեն ընթացավ մաքրամաքուր հայերենով, իսկ հայոց լեզվին նվիրված երգերն ու աշակերտուհիներից մեկի հեզաճկուն պարը գեղագիտական հաճույք պատճառեց ներկաներին:

 

Դպրոցի հայոց լեզվի և գրականության ուսուցիչներն իրենց անմիջական խոսքով ևս նպաստեցին աշակերտների մեջ մայրենի լեզուն անաղարտ պահելու վառ գիտակցմանը:

 

Աշակերտները միջոցառման ավարտից հետո  հասկացան, որ մայրենին մեր երակներում է՝ դեռ օրորոցից սկսված, մայրական կաթով փոխանցված... Ուրեմն թողենք, որ այն հոսի մեր երակներում մաքուր, անաղարտ, և յուրաքանչյուր հայ գիտակցի, որ պետք է ապրի հայերեն, խոսի հայերեն, խորհի հայերեն: