Սցենարների մրցույթ` Մեծ Եղեռնի 100-րդ տարելիցին ընդառաջ

Մասնագիտական ժյուրին, որի կազմը դեռևս չի հրապարակվում, հայտագրված կարճամետրաժ խաղարկային և վավերագրական ֆիլմերի սցենարներից կընտրի լավագույնը տասը: Դրամական պարգևների կարժանանան բոլոր 10 սցենարները՝ լավագույն 3-ը՝ 1000-ական, 7-ը՝  500-ական ԱՄՆ դոլարին համարժեք դրամ:

 

Մրցույթը տարիքային կամ ազգային սահմանափակում չունի, մասնակցել կարող են հեղինակներ ամբողջ աշխարհից, կընդունվեն նաև գրական հիմք ունեցող սցենարներ: Մրցույթի վերջնաժամկետը 2014 թ. հունիսի 30-ն է:

 

«Փյունիկ» բարեգործական հիմնադրամի հոգաբարձուների խորհրդի նախագահ Լևոն Սարգսյանն ընդգծեց, որ այս նախաձեռնությունը կարևոր է ոչ միայն որպես մշակութային ծրագիր. «Սա կարևոր է նաև որպես դիվանագիտական քայլ՝ նվիրված ազգի հիմնական ու ամենակարևոր խնդիրներից մեկին»:

 

«Ոսկե Ծիրան» կինոփառատոնի տնօրեն Հարություն Խաչատրյանը խոսեց նաև առաջիկա փառատոնի մասին։ Նա տեղեկացրեց, որ 11-րդ փառատոնը նվիրվելու է կինոբեմադրիչ Սերգեյ Փարաջանովի 90-ամյա հոբելյանին: Սպասվում են հայտնի ռեժիսորներ և հյուրեր աշխարհի տարբեր երկրներից:

 

Աղբյուրը` www.aysor.am