Բրիտանական ֆիլմերի 12-րդ փառատոն

Փառատոնն այս տարի նվիրվում է մեր հասարակության մեջ առկա ներառական և հաղորդակցության խնդիրներին:

 

«Առաջին հերթին մենք ընտրում ենք փառատոնի թեման, թե այս տարի, որ թեման է արդիական: Ապա Մեծ Բրիտանիայում մեր մասնագետները ընտրում են ֆիլմեր, որոնք կարծարծեն ընտրված թեման: Ֆիլմերը պարտադիր պետք է լինեն վերջին արտադրության, ինչպես նաև փառատոնային ֆիլմեր: Իսկ հետո սկսվում են բանակցությունները հենց ֆիլմերի ռեժիսորների հետ, որ ձեռք բերենք ֆիլմերի ցուցադրության իրավունքը: Բավականին երկար գործընթացից հետո հայ հանդիսատեսի դատին ենք հանձնում ծրագիրը»,- նշել է Բրիտանական խորհրդի հայաստանյան մասնաճյուղի տնօրեն Արևիկ Սարիբեկյանը:

 

Փառատոնի շրջանակում կցուցադրվի ինը ֆիլմ մայրաքաղաքում և մարզերում։ Երևանում ֆիլմերը կցուցադրվեն փետրվարի 22-ից մարտի 5-ը «Մոսկվա» և «Նաիրի» կինոթատրոններում: Փառատոնի ֆիլմերը փետրվարի 28-ին ամբողջ օրը կցուցադրվեն «Սինեմա Սթար» կինոթատրոնի սրահներից մեկում։ Մարտի 5-ին նախատեսվում է հատուկ ծրագիր «Նաիրի» կինոթատրոնում: Գորիսում, Գյումրիում և Գավառում ֆիլմերը կցուցադրվեն մարտի 7-ից 16-ը: Բոլոր ցուցադրությունների մուտքը այս տարի նույնպես անվճար է:

 

Փառատոնի շրջանակում կանցկացվի արդեն ավանդական դարձած գրախոսականի մրցույթը, որի գլխավոր մրցանակակիրը կարժանան «iPad Air»-ի։

 

Փառատոնի հյուրերն են Բրիտանական խորհրդի ֆիլմերի բաժնի խորհրդատու Քրիսթին Բարդսլինը և «Պարզամիտ Ջիմը» ֆիլմի ռեժիսոր Մեթ Հալսը:

 

Աղբյուրը` news.am