Բաց դաս «Մաթեմատիկա» առարկայից

Դասն ապահովված էր անհրաժեշտ կահավորումով: Դասի սկզբում դասանյութի վերաբերյալ հնչեցին բանաստեղծություններ, հանելուկներ:

 

Դասարանը բաժանված էր 5 տարասեռ խմբերի՝ հետևյալ անուններով՝ Դեկարտ, էվկլիդես, Շիրակացի, Պասկալ, Թալես, որոնց մասին համառոտ կենսագրական տեղեկություններ տվեցին տվյալ խմբի անդամները: Ընթերցվեցին աշակերտների՝ հումորով շաղախված շարադրությունները երկրաչափական մարմինների, պատկերների մասին:

 

Խմբերին տրվեց քարտային աշխատանք՝ հաշվել իրենց ստեղծած ուղղանկյունանիստի մոդելի մակերևույթի մակերեսը և ծավալը: Խմբերում աշխատում էին բոլորը, համագործակցում էին, օգնում միմյանց: Այնուհետև խմբերը գնահատեցին միմյանց աշխատանքները: Աշակերտներն արտահայտվում էին ազատ, անկաշկանդ, լրացնում միմյանց մտքերը: Աշխատանքն ընդմիջվեց աշխուժացնող վարժություններով:

 

Դասը հաջողված էր, որի ավարտին դպրոցի տնօրեն Կ. Աթոյանը խրախուսական խոսքեր ասաց աշակերտներին և ուսուցիչ Կ. Մայիլյանին հետաքրքիր և բովանդակալից դասի համար: