«Գործն է անմահ, լավ իմացե´ք...»

6-րդ դասարանցիները ներկայացրեցին Հովհաննես Թումանյանի կենսագրությունից հատվածներ: Ցուցադրվեց Թումանյանի տուն – թանգարանը, նրա գրադարանը: Աշակերտներին իրազեկ դարձվեց, որ կատարվել է Թումանյանի երազանքը՝ իր գրադարանից օգտվել առանց գրքերը վնասելու, այսօր հնարավոր է դարձել  էլեկտրոնային գրադարանի շնորհիվ:

 

Դպրոցի 7-րդ դասարանի աշակերտ Գրիգորյան Խաչիկը կարդաց իր բանաստեղծություններից, որոնք ընկալվեցին մեծ սիրով: 5-րդ դասարանի աշակերտներ՝ Ղևոնդը, Գուրգենը, Հեղինեն, Աննան, Էլենը ներկայացրին իրենց ստեղծագործությունները: Նրանցից լավագույնը համարվեցին Գուրգենի բանաստեղծությունները,Ղևոնդի «Հեքիաթ արջի մասին» ստեղծագործությունը, աքրոստիկոսները,

Աննայի «Եթե ես թռչել կարողանայի» հեքիաթը:

 

Միջոցառմանը հյուր էին նաև Երևանի Մ.Գալշոյանի անվան դպրոցի 5-րդ դասարանի սաները: Նրանք ևս սիրով իրենց հասակակիցներին  ներկայացրեցին իրենց  նկարները, պատմեցին իրենց մասին և վերջում տարրական դասարանի աշակերտներին կենդանիների մասին փոքրիկ գրքեր նվիրեցին:

 

Բարեմաղթանքներով, ծափ-ծիծաղով, ջերմ մթնոլորտում ավարտվեց գրքի տոնը՝ Թումանյանի իմաստությունը թևածեց ողջ դպրոցում: