«Միսս և միստր բնագիտություն-2014» մրցույթ թիվ 23 հիմնական դպրոցում

Մրցույթը մաթեմատիկա և բնագիտական առարկաներից աշակերտների գիտելիքների, հմտությունների և կարողությունների ստուգատես էր, համեմված հումորով և գեղարվեստական համարներով, որոնք կապված էին այս կամ այն առարկաների հետ: Աշակերտները վիճակահանությամբ կազմեցին թիմեր՝ ըստ բնագիտական առարկաների:

 

Մրցույթը բաղկացած էր մի քանի փուլից՝

1. Բնագիտական պանտոմիմա

2.Գեղարվեստական փուլ

3. Ինտելեկտուալ մրցույթ

4.Բնագիտական նորաձևություն

 

Առաջին փուլի ժամանակ աշակերտները փորձում էին գուշակել որևէ բնագիտական առարկա կամ երևույթ: Շատ հետաքրքիր և ծիծաղաշարժ էր «Երկրաշարժ» երևույթի պանտոմիման:

 

Երկրորդ փուլում թիմերը երգի կամ ասմունքի միջոցով ներկայացնում էին որևէ բնական երևույթ: Այս փուլում բացահայտվեցին աշակերտների դերասանական հմտությունները: Մեծ աշխուժություն առաջացրեց մաթեմատիկայի «Պի» թիմի երգը՝ «2*2=4»:

 

Երրորդ փուլը ինտելեկտուալ պայքար էր: Հարցերը թաքնված էին բնագիտությունը բնորոշող պատկերների տակ: Թիմերն ընտրում էին պատկերը, էկրանին ցուցադրվում էր հարցը ձայնի ուղեկցությամբ:Թիմերը փորձում էին արագ պատասխանել էկրանից տրվող հարցերին՝ դրսևորելով իրենց գիտելիքներն ու հմտությունները: Չորրորդ փուլում մասնակիցները ներկայացրին բնագիտական տարազներ՝ առաջացնելով մեծ հետաքրքրություն և հիացմունք: Հաղթողի տարազը՝ աշխարհագրության մոդելն էր՝ կախված քարտեզից:

 

Մրցույթը նուրբ հումորով և ճաշակով վարեցին հինգերորդ դասարանի երկու աշակերտներ, ովքեր իրենց անմիջականությամբ ու ժպիտով վարակեցին թե՛ հանդիսատեսին և թե՛ ժյուրիին:

 

Առարկայական թիմերից ժյուրին ընտրեց մեկական թեկնածու տիտղոսին արժանանալու համար: Ի վերջո հաղթեց 7-րդ դասարանի աշակերտ Էրիկ Ասլանյանը՝ արժանանալով «Միստր բնագիտություն-2014» տիտղոսին: Թագը հանձնեց «Միսա բնագիտություն-2013»-ը, ով իր ներկայությամբ գեղեցկություն և նոր գաղափարներ շռայլեց հանդիսատեսին: