Բաց դաս «Գլաս Ուորլդ Քամփնի» գործարանում

Երեխաները շրջեցին արտադրամասով և ականատես եղան արտադրության ամբողջ ընթացքին: Արտադրության համար օգտագործվող հումքը` սոդան, ավազը և կրաքարը, մտնելով վառարան` հալվում են և ստացվում է հեղուկ ապակի, որին հետագայում տրվում է անհրաժեշտ ձևը:

 

Ամբողջ պրոցեսը ավտոմատացված է: Համակարգիչների օգնությամբ հսկվում են պրոցեսի բոլոր պարամետրերը: 

 

Երեխաները այցելեցին նաև քիմիական և ֆիզիկական լաբորատորիաները: Քիմիական լաբորատորիայում ստուգվում է հումքի և արտադրված ապակու մաքրությունը, իսկ ֆիզիկական լաբորատորիայում` արտադրված շշերի ամրությունը, դիմացկունությունը հարվածներին և ճնշմանը:

 

Այցը նպատակ էր հետապնդում նաև առաջացնել սեր «Քիմիա» առարկայի նկատմամբ և օգնել երեխաներին ապագա մասնագիտական կողմնորոշման մեջ: Այցը շատ հետաքրքիր էր և տպավորիչ: