Թումանյանական օր Հրազդանի թիվ 2 հիմնական դպրոցում

Աշակերտները միմյանց գիրք են նվիրում: 3-րդ դասարանի դասվար Նազանի Հարությունյանի նախաձեռնությամբ ձևավորվել էր թումանյանական անկյուն, որն իր մեջ ներառնում էր ոչ միայն բանաստեղծի ստեղծագործությունները, կյանքի, գրական-հասարակական գործունեության կարևոր դրվագներն, այլ նաև աշակերտների ուժերով պատրաստված ալբոմներն ու պաստառները, թումանյանական հեքիաթի հերոսների նկարազարդումները: 

 

Նախօրոք հայտարարվել էր մրցույթ՝

1.Լավագույն ձեռագիր

2.Լավագույն նկարիչ - ստեղծագործող

3.Լավագույն ասմուք

 

Լավագույն ձեռագիր մրցույթում հաղթող ճանաչվեցին 5-րդ «ա» դասարանի աշակերտները, որոնք փորձել էին հնագույն ձեռագրերի շունչ տալ իրենց աշխատանքներին: Իսկ ահա 9-րդ դասարանի աշակերտ Հայկ Մելքոնյանը իր թումանյանական հերոսների նկարազարդումներով արժանացավ լավագույն նկարիչ - ստեղծագործող մրցանակին: 3-րդ դասարանի աշակերտուհի Տաթևիկ Պողոսյանը ներկաներին հիացրեց իր գեղեցիկ ասմունքով և ճանաչվեց լավագույնը:

 

Տպավորիչ էր 5-րդ «բ» դասարանի աշակերտների ներկայացրած «Գառնիկ ախպերը», «Շունն ու կատուն», «Պողոս-Պետրոսը», 4-րդ «ա» դասարանցիների «Կացին ախպերը»:

 

3-րդ, 4-րդ, 6-րդ դասարանի աշակերտները արտասանեցին Թումանյանի մանկական բանաստեղծությունները, քառյակները և բանաստեղծությունները: «Ախ ինչ լավ է սարի վրա» ստեղծագործությունը շվիի նվագակցությամբ հնչեցրեց 3-րդ դասարանի աշակերտ Ներսիսյան Արտակը: Դպրոցի երգչախումբը իր կատարումներով լրացրեց և ամբողջացրեց օրվա խորհուրդը:

 

Իսկ ահա աշակերտական խորհրդի անդամ Սերյոժա Գևորգյանը, որը հանդես էր գալիս Թումանյանի կերպարով հետևում էր միջոցառման ողջ ընթացքին և առավել աչքի ընկնող աշակերտներին գիրք նվիրում: Վերջում ընթերցվեցին Թումանյանի հանելուկները. ոգևորության ալիքը ավելի սաստկացավ: