«Մայրը» ներկայացում` նվիրված Արմեն Մազմանյանի հիշատակին

Ուսումնական թատրոնի տնօրեն Էրիկ Բարսեղյանը տեղեկացրեց, որ նախորդ ներկայացումը նվիրված է եղել ազգային հերոս Մովսես Գորգիսյանին:

 

«Այսուհետ «Մայրը» ներկայացումն ամեն անգամ պետք է նվիրենք մեր հերոսներից կամ ազատամարտիկներից մեկին»,- նշեց թատրոնի տնօրենը:

 

Լալա Մնացականյանի խոսքով, ազատամարտիկներն արժանի են խոնարհման. «Մի պահ է գալիս, որ վախ ես ապրում, թե կմոռանան մեր հերոսների անունները: Ամեն ներկայացումից առաջ խոսվելու է հերոսի մասին»:

 

Նշենք, որ գլխավոր դերում հանդես է գալիս ՀՀ վաստակավոր արտիստ Լալա Մնացականյան, դերերում՝ Արմեն Կարապետյան, լուսահոգի ռեկտոր Արմեն Մազմանյանի արվեստանոցի (4-րդ կուրս) ուսանողներ Սամվել Թադևոսյան, Վաչագան Երիցյան, Արսեն Ազիզյան, Սարգիս Բաղդասարյան, Աղվան Մնացականյան։ Ներկայացման մուտքն ազատ է:

 

Չեխիայի դեսպանատան առաջարկով ներկայացումն այս տարի կցուցադրվի Չապեկի հայրենիքում: 2012 թվականի սեպտեմբերի 7-14 ընկած ժամանակահատվածում «Մայրը» ներկայացումը մասնակցել է Բելառուսի Բրեստ քաղաքում կայացած «Բելայա Վեժա-2012. Կլասիկա պլյուս» 17-րդ միջազգային թատերական փառատոնին: Այն մեծ ոգևորությամբ է ընդունվել տեղի հանդիսատեսի կողմից՝ արժանանալով «Հանդիսատեսի համակրանք» մրցանակին:

 

Հիշեցնենք, որ Արմեն Մազմանյանը ծանր հիվանդությունից հետո մահացել է այս տարվա հունվարի 8-ին:

 

Աղբյուրը` panorama.am