Գրական ցերեկույթ` նվիրված Խ. Աբովյանի «Վերք Հայաստանի» վեպի 155-ամյա հոբելյանին

Հանդիսությանը մասնակցում էին X - 2 դասարանի աշակերտները (ուսուցչուհի Գ. Այվազյան):

 

Դպրոցի ռեսուրս կենտրոնը գեղեցիկ կահավորված էր: Գրապահարանը ձևավորված էր հարուստ նյութերով և հետաքրքիր նկարներով: Մոմերն ու սպիտակաթույր մեխակները լուսավորեցին սենյակը: Ամեն ինչ շատ կենդանի էր ու իրական: Նա` ինքը Աբովյանը, կենդանացել էր աշակերտների շուրթերին: Նրանք կարևորեցին Աբովյանին ոչ միայն որպես մեծ գրող, այլև որպես մեծ հայ և հայ ժողովրդի պատմության մեջ կարևոր դեր ունեցած անհատ:

 

Կարևոր էր հանդիսության այն պահը, երբ աշակերտները Աբովյանին ներկայացրին հայ և օտար մեծերի գնահատմամբ, որոնց մեջ որպես գեղարվեստական մեծագույն արժեք մնացել ու մնում է Ե. Չարենցի «Դեպի լյառը Մասիս» պոեմը:

 

Հնչում է «Արարատ» երգը… Վառվող մոմերի ներքո աշակերտները ներս են բերում իրենց ձեռքերով պատրաստած «Արարատը»: Հնչեց «Հայաստան» երգը, որը խորհրդանշեց հայ ժողովրդի հավերժությունը` աղերսներ ստեղծելով Աբովյանի և նրա անմահ «Վերքի» հետ:

 

Վերջում աշակերտները պատմեցին Խ. Աբովյանի տուն-թանգարանից ստացած իրենց տպավորությունների մասին: Դրանք թանկ մասունքներ էին, հուշերի փոքրիկ պատառիկներ, որոնք անմոռաց կմնան աշակերտների հիշողության մեջ:

 

X-2 դասարանի աշակերտները ապրեցին ու ապրեցրին, իսկ ներկաները զգացին ու վայելեցին…