«Պատերազմ և խաղաղություն» վեպի սևագրությունը շուտով հասանելի կդառնա համացանցի միջոցով

Այդ նյութերը կհայտնվեն համացանցում «Ամբողջ Տոլստոյը մեկ սեղմումով» ծրագրի շրջանակներում: Տեղադրվելու են գրողի կյանքին ու ստեղծագործական գործունեությանը նվիրված կայքում` Tolstoy.ru:

 

Սևագրություններով հատորյակն ընթերցողին հնարավորություն կտա հետևել վեպի տարբեր կերպարների զարգացմանը, նաև իմանալ ինչպիսի սյուժեներ են հանվել վեպի վերջնական տարբերակից:

 

Հայտնի է, որ Տոլստոյը վեպի սյուժեն գրել է 15 անգամ և դրանց վրա աշխատել է ավելի քան մեկ տարի:

 

Պատերազմ և խաղաղություն («Война и мир») վեպում պատկերված է ռուսների պայքարը Նապոլեոնի դեմ 1805 թ. և 1812 թ. Հայրենական պատերազմի ընթացքում։

 

Աղբյուրը` panorama.am