Միջոցառում` նվիրված Սուրբ Սարգսի տոնին

Առաջին դասաժամի ընթացքում հրեշտակի կերպարանքով երկու աշակերտուհիներ Ն.Մուրադյանի ղեկավարությամբ շրջում էին բոլոր դասարաններում, շնորհավորում աշակերտներին և ուսուցիչներին տոնի առթիվ և բաժանում նախապես պատրաստված բացիկներ` այդպիսով ապահովելով տոնական տրամադրություն: Իսկ դասերից հետո տեղի ունեցավ միջոցառումը:

 

Աշակերտները ներկայացնում էին տոնի վերաբերյալ հետաքրքիր նյութեր, ավանդույթներ, սիրո մասին երգեր, պարեր և բանաստեղծություններ: Պատրաստել էին նաև տոնը խորհրդանշող մթերքներ` աղի բլիթ, փոխինդ, բաղարջ, աղանձ: 

 

Քանի որ նախորդ օրը հայ եկեղեցին նշել էր Տեառնընդառաջի տոնը, դպրոցի բակում վառվեց նաև դա խորհրդանշող կրակ: Միջոցառումն ավարտելուց հետո իրավապաշտպանական և մշակութային հանձախմբերի աշակերտները ղեկավարների հետ այցելեցին նաև եկեղեցի` օրհնելու աղի բլիթները և մասնակցելու պատարագին: