Եռալեզու դաս-միջոցառում Գյումրու թիվ 15 հիմնական դպրոցում

Աշակերտները հայերեն, ռուսերեն, անգլերեն լեզուներով ներկայացրին տեղեկություններ թեյի օգտակարության մասին, ծանոթացան հայերի, ռուսների, անգլիացիների՝ թեյ խմելու ավանդույթներին: Երեխաները կարողացան յուրովի ցույց տալ հեքիաթի հերոսների կերպարներին բնորոշ առանձնահատկություններ:

 

Կարևորություն տալով մայրենի լեզվի իմացությանը՝ ընդգծվեց անգլերենի և ռուսերենի ուսուցումը: Երեխաները վարժ և կանոնավոր խոսում էին երեք լեզուներով՝ համապատասխան տարիքային կրթական չափորոշիչների: Գեղեցիկ խոսքը զուգակցվում էր վարվեցողության կանոնների բեմական ցուցադրումով:

 

Յուրաքանչյուր ուսուցիչ միջոցառման մեջ ներդրել էր իր ճաշակը, իր շունչն ու խոսքը, որի արդյունքում ծնվել էր լեզուների ներդաշնակության եռակողմ զուգակցում: