«Սիրտս սիրում է կրկին» գրական-երաժշտական միջոցառում` նվիրված Վահան Տերյանի ծննդյան 129-ամյակին

Միջոցառման կազմակերպիչը հայոց լեզվի և գրականության մեթոդմիավորման նախագահ Մառլենա Սիմոնյանն էր, որի մտահղացմամբ ներկայացվեց բանաստեղծի սիրո պատմությունը:

 

Միջոցառմանն ընդգրկված էին երրորդից յոթերորդ դասարանի աշակերտները: Մասնակիցների թվում կային աշակերտներ, որոնք 2013թ. օգոստոսին Շուշիում մասնակցել էին ասմունքի համահայկական փառատոնին և արժանացել մրցանակների ու շնորհակալագրերի:

 

Աշակերտների գեղեցիկ ասմունքն ընդհատվում էր Վ.Տերյանի խոսքերով գրված երգերի կատարումներով: Երգերի բարձրորակ կատարումները երգեցողության ուսուցչուհի Անժելա Միրիջանյանի ջանքերի արդյունքն էր:

 

Հատվածներ ընթերցվեցին նաև Վ.Տերյանի` Անթառամ Միսկարյանին գրված նամակներից, որոնցում առավելագույնս բացվում են բանաստեղծի ներաշխարհի վարագույրները:

 

Միջոցառումն ավարտվեց` լուսավոր թախիծով պարուրելով բոլորի սրտերը:

 

Դպրոցի տնօրեն Անիչկա Իսկանդարյանը շնորհակալություն հայտնեց մասնակից աշակերտներին, ուսուցիչներ Մ. Սիմոնյանին և Ա.Միրիջանյանին: Իր հիացմունքն արտահայտեց նաև Գանձայի Վ.Տերյանի տուն-թանգարանի գիտաշխատող Ն.Սիրեկանյանը:

 

Մեկ օր առաջ` փետրվարի 9-ին, տերյանցիներն այցելել էին Կոմիտասի անվան պանթեոն, ծաղիկներ էին դրել բանաստեղծի հուշաքարին և խնկարկել: