«Մաթեմատիկան գիտությունների թագուհին է» խորագրով մրցույթ Ակնալճի դպրոցում

«Սիրի՛ր մաթեմատիկան» խորագրով մրցույթ-վիկտորինան սկսվեց հայ մաթեմատիկոսների մասին տեղեկություններով: Զուգահեռ աշակերտների կողմից ընթերցվեցին աֆորիզմներ` նվիրված «Մաթեմատիկա» առարկային: Մրցույթը բաղկացած էր հինգ փուլից, որից առաջին չորսը ընդգրկում էին առաջադրանքներ` անցած թեմաներից, ստուգելու թիմերի անդամների մաթեմատիկական գիտելիքները և տրամաբանական կարողուությունները:

 

V փուլում լրացվեց խաչբառ` «գտի′ր գաղտնաբառը», որն էլ հանդիսանում էր մրցույթի խորագիրը:

 

Միջոցառումը անցավ բարձր մակարդակով, այն հետաքրքիր էր, ուսուցողական և բովանդակալից: Մրցույթ-վիկտորինայի կայացմանը նպաստել էին ինչպես դպրոցի մաթեմատիկայի և ինֆորմատիկայի մեթոդմիավորման անդամներ, այնպես էլ ակտիվիստ-աշակերտները և մանկավարժական կոլեկտիվը: