Հաղարծինի դպրոցի աշակերտների այցը զինվորներին

Տանկային գումարտակի զինվորները ներկայացան գեղեցիկ զորահանդեսով, որի ժամանակ ՊՆ և զորամասի հրամանատարության կողմից պատվոգրերով և մեդալներով պարգևատրվեցին գումարտակի լավագույն սպաներն ու զինվորները:

 

Աշակերտները ևս դատարկաձեռն չէին գնացել, հուշանվերներով և քաղցրավենիքով շնորհավորեցին զինվորներին և սպաներին:

 

Ողջույնի և շնորհավորանքների խոսքերով հանդես եկան Հաղարծինի միջնակարգ դպրոցի աշակերտներ Վիգեն Թամրազյանը, Անի Միրզոյանը և «Պատանի երկրապահներ»-ի Հաղարծինի դասակի հրամանատար Ալլա Բեգլարյանը:

 

Պաշտոնական արարողություններին հաջորդեց հայրենասիրական երգն ու պարը: Զինվորների և աշակերտների համատեղ կազմակերպված գեղարվեստական միջոցառման ընթացքում ելույթ ունեցան գումարտակի շնորհալի զինվորները և Հաղարծինի միջնակարգ դպրոցի աշակերտները:

 

Վերջում գումարտակի սպաները փոքրիկ էքսուրսիա կազմակերպեցին զորամասի տարածքում, աշակերտներին ծանոթացրին զորամասի ռազմական տեխնիկային ու նրա հնարավորություններին: