«Ոսկե արծիվը» նվաճեց «Լեգենդ № 17»-ը` որպես տարվա լավագույն ֆիլմ

Մրցանակաբաշխության գլխավոր անվանակարգում` «Լավագույն ֆիլմ», մրցանակը շնորհվել է Նիկոլայ Լեբեդևի «Լեգենդ № 17» կինոնկարին: Այն պատմում է հոկեիստ Վալերի Խառլամովի մասին:

 

Մրցանակաբաշխության ժամանակ ռեժիսորին մրցանակը հանձնել է այս տարվա պատվավոր՝ հատուկ մրցանակի դափնեկիր Մարկ Զախարովը: Գլխավոր դերերը ֆիլմում խաղացել են Դանիլա Կոզլովսկին և Օլեգ Մենշիկովը:

 

«Տարվա լավագույն ֆիլմ» անվանակարգում, բացի «Լեգենդ № 17»-ից, մրցանակի էին առաջադրված Ժորա Կրիժովնիկովի «Горько»-ն, Ալեքսանդր Վելեդինսկու «Աշխարհագրագետը խմելու տվեց գլոբուսը», Գեորգի Դանելիայի «Կու Կին-ձա-ձա»-ն և Ֆեոդոր Բոնդարչուկի «Ստալինգրադը»:

 

Ռուսական կինոակադեմիայի կարծիքով, 2013թ.-ի լավագույն ռեժիսորը Ալեքսանդր Վելեդինսկին է:

 

Ելենա Լյադովան և Կոնստանտին Խաբենսկին արժանացել են «Ոսկե արծիվի» `«Լավագույն կնոջ դեր» և «Լավագույն տղամարդու դեր» անվանակարգերում:

 

Հիշեցնենք, որ «Ոսկե արծիվ» ամենամյա մրցանակաբաշխության հաղթողներին որոշում է ՌԴ-ի կինեմատոգրաֆիական արվեստի և գիտության ազգային ակադեմիան, անցկացվում է 2002 թվականից:

 

Աղբյուրը` panorama.am