Ընթերցանության օլիմպիադայի դպրոցական փուլում հաղթել է 387 աշակերտ

ՀՀ կրթության և գիտության նախարարությունը, ՀՀ մշակույթի նախարարությունը, «Անտարես» հրատարակչությունը` «Dasaran.am» կրթական ծրագրի ինֆորմացիոն աջակցությամբ, «Գրանիշ» գրական ակումբի, Խնկո Ապոր անվան գրադարանի, Հայաստանի գրողների միության աջակցությամբ, և Reso Insurance-ի, Samsung-ի, 1Print-ի, «Աշտարակ կաթ»-ի, Ucom-ի, «Գուրմէ Դուրմե»-ի հովանավորությամբ անցկացված մրցույթի հաղթողներին սպասվում են տարատեսակ նվերներ:

 

Ինչպես նշեց մրցույթի նախաձեռնող «Անտարես» հրատարակչության գլխավոր խմբագիր Արքմենիկ Նիկողոսյանը, Reso Insurance ապահովագրական ընկերությունը բոլոր հաղթողներին կապահովագրի պատահարներից, Samsung ընկերությունը կնվիրի երեք համակարգային սենյակ, «Գուրմէ Դուրմե»-ն կնվիրի շոկոլադ, իսկ արդեն մարզային փուլի հաղթողներին Ucom-ը կապահովի ինտերնետային կապով դասարաններով:

 

«Օլիմպիադայի նպատակը ընթերցման նկատմամբ հետաքրքրության խթանումն է և հայ հասարակության համար ինտելեկտուալ սերունդ ձևավորելը»,-ասաց Արքմենիկ Նիկողոսյանը:

 

Ասուլիսին ներկա կրթության և գիտության նախարարության հանրակրթության վարչության պետ Նարինե Հովհաննիսյանն իր հերթին նշեց, որ այս մրցույթը կխթանի լուծելու ընթերցանության հետ կապված խնդիրները:

 

Նրա խոսքով՝ այս տարվա օլիմպիադաներին նույնպես հաղթանակները շատ էին, և մեկ ուսումնական տարվա ընթացքում 18 աշակերտ դարձավ մեդալակիր:

 

Աղբյուրը` tert.am