ԿԳ նախարարը` դպրոցների վարկանիշավորման մասին

Նախարարը նշեց, որ ծրագիրն արդեն իրականացվել է և առաջիկայում արդյունքը կներկայացվի հանրությանը:

 

«Վարկանիշավորման նպատակն է ստանալ առավել օբյեկտիվ ինֆորմացիա տարբեր դպրոցների ուսումնական որակի մասին: Բոլորը խոսում են, թե որ դպրոցն է ավելի լավը, որտեղ տանել երեխային: Որակավորումից հետո հասարակությունը կիմանա, թե որ դպրոցներում է կրթական մակարդակը բարձր: Բացի այս մեզ համար պարզ կլինի, թե որ դպրոցներն են, որ այս կամ այն ցուցանիշով հետ են մնում»,-ասաց նա:

 

Հարցին, թե ծրագիրը արդյո՞ք չի պարունակում կոռուպցիոն ռիսկեր, Արմեն Աշոտյանը հավաստիացրեց. «Փողով ռեյտինգ չենք տալու: Մենք մեր աշխատանքը շատ ենք հարգում: Մենք կլրամշակենք մեթոդաբանությունը և որևէ հանրային կազմակերպությանը իրավունք կտանք իրականացնել այն: Այսպես է արվում նաև տարբեր երկրներում»։

 

Խոսելով հանրակրթական դպրոցներում ընթացիկ տարում իրականացվելիք ծրագրերի մասին՝ նախարարը նշեց, որ նոր ուսումնական տարում շարունակվելու է դասագրքերի փորձարկման գործընթացը, որը թույլ է տալիս նվազեցնել անճշտությունների, վրիպակների քանակը և բարձրացնել դրանց որակը:

 

Հանրակրթական մի քանի դպրոցներում կիրականցվի հայկական ազգային երգ ու պար առարկայի պիլոտային ծրագիր, որը հետագայում կդառնա պարտադիր բոլոր դպրոցների համար:

 

Աղբյուրը` www.tert.am