«Հեքիաթային» միջոցառում Արմավիրի թիվ 8 հիմնական դպրոցում

Միջոցառումը սկսվեց փաթիլների հեզաճկուն և նրբագեղ պարով: Միջոցառման մասնակիցները` առաջին դասարանցիները, յուրովի ներկայացրեցին իրենց կողմից սիրված հեքիաթների հերոսներին, իսկ նրանց ցանկություններն ու երազանքները լսեցին Ձմեռ Պապն ու Ձյունանուշը:

 

«Ոսկե Ձկնիկը» նրանց լսեց և խոստացավ, որ գալիք տարում Փանոսը ուշադիր գործելով ձախորդությունից զերծ կմնա, Կարմիր Գլխարկին Գայլը չի բռնի, Գայլն էլ իր հերթին խոստացավ ոչ-ոքի չվնասել, Արքայազնը գտավ Մոխրոտին և  իր պալատ տարավ պարահանդեսի: Շունն ու Կատուն հաշտվեցին, երբ Կատուն Շանը մուշտակ և գլխարկ նվիրեց, Նապաստակներն էլ Աղվեսի հետ «Քոչարի» պարեցին ու հաշտվեցին:

 

Ձմեռ Պապին և Ձյունանուշը նվերները բաժանելուց  հետո պարեցին ժամանակակից պարեր: Միջոցառումը ավարտվեց Ձիու հետևյալ խոսքերով.

 

Ես այս տարի խինդ կբերեմ,

Ջերմ ու առատ տարի կանեմ,

Բարիքներով ու ջերմությամբ

Ձեր տները լեցուն կանեմ:

Իմ տարին է, լավ իմացեք

Եվ ինչքան որ իղձեր ունեք

Այս տարի ես կկատարեմ,

Առողջություն, երջանկություն,

Հաջողություն կպարգևեմ: