Ներկայացում-դաս Մերձավանի միջնակարգ դպրոցում

Դասին մասնակցեցին 11-րդ և 6-րդ դասարանի աշակերտները` երիցս ապացուցելով, որ հայրենիքը անգնահատելի արժեք է, որ իրենք Հայկ նահապետի արժանի հետնորդներն են և գիտեն, թե որտեղից են գալիս և դեպի ուր են գնում:

 

Բեմականացմամբ, հետաքրքիր կերպարներով (Մ. Խորենացի, Հայկ, Բել, Արամանյակ, Կադմոց և այլն), ուսուցման նորօրյա մեթոդների սահուն կիրառմամբ և ասելիքի հարստությամբ դասը աշակերտներին և դասալսողներին բերեց այն համոզման, որ, հիրավի, «Քաջերի սերունդները քաջերն են» և «Քաջերի սահմանը նրանց զենքն է, որքան կտրում է, այնքան տիրում է», իսկ «…բարբարոսները շատ կգան ու կանցնեն անհետ…»:

 

Դասն ավարտվեց խաղաղության փառաբանմամբ` ի դեմս բոլոր ժամանակներում հայրենիքի սահմանները հսկող զինվորների, և պատերազմի դատապարտմամբ` ի դեմս դրանց հրահրողների` «Ո՛չ` պատերազմին, այո՛ ` խաղաղությանը» կարգախոսով: