Ցուցադրական – բաց դաս Ջերմուկի թիվ 1 հիմնական դպրոցում

Անսովոր հետաքրքիր և իմաստավորված հագեցվածությամբ է շնչում Ջերմուկի թիվ 1 կրթարանի առօրյան: Ցուցադրական դաս էր կազմակերպվել 3 «ա» դասարանում: Դասարանը շնչում էր թարմությամբ, դպրոցականների հագ ու կապը անչափ գեղեցիկ էր, աշակերտական, վառ: Դասի վայրկյանները ընթանում են հրթիռի արագությամբ: Դասի ընթացքում կիրառվում է մտագրոհի մեթոդը, որի ժամանակ արագորեն հնչում են այն նոր արժեքները, որոնք դպրոցականներին ուղեկցում են 2-րդ դասարանից: Այնուհետ այս արժեքներից դպրոցականների կանխագուշակմամբ կարևորվում է մայրենին՝ մեր մայր լեզուն: Դպրոցակններն առանց դժվարության բնութագրում են մեր չքնաղ մայրենին, պատմում նրա անցած բարդ ուղու մասին, այն բարդությունների մասին, որոնց միջով անցնելով, այն դարձել է էլ ավելի մաքուր, անաղարտ: Ասում ու հիշեցնում, որ մեր նախնիները անսահման մեծ նվիրվածությամբ պահել ու պահպանել են մեր մայր գանձը: