Դարբնիկի 25-ամյա դպրոցում տրամադրությունը հոբելյանական է

Միջոցառումը բաղկացած էր երկու մասից` սկզբում աշակերտները ներկայացրեցին հատվածներ հայոց պատմությունից, հայ գրականությունից` ցուցադրելով «Հայկ և Բել» առասպելից, հատվածներ «Անուշ» պոեմից, ինչպես նաև ցուցադրվեցին աշակերտների ձեռքի աշխատանքները, որտեղ ներառվել էին դպրոցի 1-12-րդ դասարանների լուսանկարները:

Միջոցառման 2-րդ հատվածում դպրոցի սաները ներկայացրին դպրոցի ողջ պատմությունը, հյուրերը վայելեցին աշակերտների գեղեցիկ ասմունքն ու պարը:

Դպրոցում տիրում էր տոնական տրամադրություն: Միջոցառմանը ներկա էր համայնքի ղեկավարը` Ա. Խաչատրյանը, մարզպետարանի աշխատակիցը` Ս. Շահինյանը, հիմնադիր տնօրեններից Վ. Գևորգյանը, նախկին շրջանավարտներ, ծնողներ և դպրոցի ողջ ուսուցչական և աշակերտական անձնակազմը:

Դպրոցի տնօրեն Ն. Զիրոյանը շնորհակալություն հայտնեց ներկաներին, աշակերտներին միասնական, բարեխիղճ, վեհ, առաքինի աշխատանք կատարելու համար և դպրոցի կազմակերպիչ Մ. Եղիազարյանին հավուր պատշաճի միջոցառումը կազմակերպելու համար: