Միջոցառում` նվիրված Անվտանգ ինտերնետի միջազգային օրվան

Educational 2013-02-12

Երևանի Վ.Համբարձումյանի անվան թ. 12 հիմնական դպրոցի ինֆորմատիկայի ուսուցչուհու Գայանե Սամվելյանի նախաձեռնությամբ մի խումբ 9-րդ դասարանցիներ որոշեցին պատրաստել էլեկտրոնային ցուցադրումներ «Հաղորդակցվիր առցանց ապահով» խորագրով՝ նվիրված Անվտանգ ինտերնետի միջազգային օրվան:

Ցուցադրումները պատրաստել էին 9-րդ դասարանի աշակերտներ ` Պետիկյան Ալինան, Մովսիսյան Մարիաննան, Մաթևոսյան Տիգրանը, Նազարյան Արփինեն:

Ցուցադրումների թեմաներն էին «Սոցիալական կայքերում անվտանգ հաղորդակցում», «Էլեկտրոնային փոստ և անվտանգություն», «Կախվածություն ինտերնետից»:

Ցուցադրումներ պատրաստող աշակերտները որոնել և բազմաբովանդակ տեղեկություններ էին գտել համացանցից և տեղադրել իրենց աշխատանքներում: Այնուհետև նրանք առաջարկեցին այդ աշխատանքները ներկայացնել 6-9-րդ դասարաններում և կազմակերպել քննարկումներ թեմայի վերաբերյալ:

Ցուցադրումից առաջ հեղինակները կազմակերպեցին քննարկում , թե ի՞նչ են հասկանում իրենց հասակակիցները` ինտերնետից անվտանգ օգտվել ասելով: Պարզվեց, որ շատ երեխաների մոտ դա միայն հակավիրուսային ծրագիր համակարգչում ունենալն էր:

Այնուհետև ասվեց, որ արդեն 10 տարի է` փետրվարի 5-ը նշվում է որպես անվտանգ ինտերնետի միջազգային օր: Երեխաները ծանոթացան safe.am և http://safeinternet.am/ կայքերին:

Դասի վերջում կատարվեց անդրադարձ, աշակերտները նշեցին, թե ինչ նոր և օգտակար տեղեկություններ ստացան ցուցադրման ընթացքում և ինչպես կօգտվեն համացանցից հետագայում:

Ի դեպ, աշակերտներն իրենց ուսուցչուհու հետ մասնակցեցին «Պահպանենք երեխաների առցանց անվտանգությունը» միջոցառմանը , որ կազմակերպել էին Մայքրոսոֆթ Հայաստան և Վորլդ Վիժն ընկերությունները, և ստացան պատվոգրեր:

Միջոցառում` նվիրված Անվտանգ ինտերնետի միջազգային օրվան

Similar news...