Հեքիաթների աշխարհում

Չորրորդ դասարանի դասղեկ, մաթեմատիկայի ուսուցչուհի Մերի Սարուխանյանը կազմակերպել էր հետաքրքիր միջոցառում «Լինում է, չի լինում» խորագրով: Աշակերտներից յուրաքանչյուրը ներկայացնում էր աշխարհի հեքիաթների հերոսներից որևէ մեկին, և նրանց բեմական հագուստները լիովին ընդգծում էին կերպարների անհատականությունը:

 

Փոքրիկ դերասանները ներկայացրեցին Ալ. Պուշկինի «Ոսկե ձկնիկը» և Հովհ. Թումանյանի «Կիկոսի մահը» հեքիաթները, իսկ միջոցառմանն առանձնահատուկ շուք հաղորդեցին Քաջ Նազարը, Բուրատինոն, Մալվինան, բժիշկ Այբոլիտը, կոկորդիլոս Գենան և Չեբուրաշկան, Կարմիր Գլխարկը, Մոխրոտիկը և արքայազնը և «Բարեկենդանը» հեքիաթի հերոսները:

 

Միջոցառման ամբողջ ընթացքում հնչում էին ծափահարություններ: Միջոցառումն ավարտվեց, հանդիսատեսը դահլիճից հեռացավ հեքիաթային տպավորություններով: Չորրորդ դասարանի աշակերտները և դասղեկ Մ. Սարուխանյանն արժանացան տնօրեն Հ. Հովհաննիսյանի գովեստին, դասարանն էլ պարգևատրվեց գովասանագրով: