«Web Ծիրան» համահայկական 3-րդ օնլայն կինոփառատոն

Նշենք, որ  «Web Ծիրանն» այս տարի ներկայացնում է նաև «Web Ծիրան. ՄՈՒԼՏԻՄԵԴԻԱ» ծրագիրը, որտեղ ցուցադրելու համար կարող են ներկայացվել միայն բջջային հեռախոսներով, պլանշետներով, սմարտֆոններով նկարահանված կարճ ֆիլմեր:

 

Սահմանված է 1 գլխավոր և 2 խրախուսական մրցանակ: Ինչպես գլխավոր, այնպես էլ խրախուսական մրցանակակիրները կստանան նաև 10 օր անվճար պրոֆեսիոնալ նկարահանող տեխնիկայից օգտվելու հնարավորություն: Ամենաշատ դիտումներ արձանագրած ֆիլմը կարժանանա «Համակրանք» խրախուսական մրցանակի և հատուկ դիպլոմի:

 

«Web Ծիրանի» արդյունքները կհրապարակվեն փետրվարի 25-ից մարտի 5-ն ընկած ժամանակահատվածում, հատուկ մրցանակաբաշխության ժամանակ: Արդյունքները կամփոփի պրոֆեսիոնալ ժյուրին: «Web Ծիրան» 3-րդ համահայկական օնլայն կինոփառատոնին ներկայացված ֆիլմերը ցուցադրվելու են բացառապես webtv.am հայկական մշակութային ինտերնետ հեռուստատեսությամբ:

 

Աղբյուրը՝ aravot.am