‹‹Читай-ка››-ն ‹‹Читалия››-ից հյուր էր եկել աշակերտներին

Դասը յուրօրինակ ճանապարհորդություն էր դեպի կախարդական աշխարհ, ուր աշակերտները հանդիպելու էին իրենց ‹‹հավատարիմ ընկերոջը›› իսկ թե ով էր նա, գուշակեցին գրքին նվիրված երգի և հանելուկի միջոցով: Ուսուցչը աշակերտների մեջ զարգացնում էր ընթերցասիրություն, ինքնուրույն աշխատանքով սեփական հետաքրքրությունները բավարարելու ձգտում:

 

Աշակերտները հյուրընկալեցին ‹‹Читай-ка››  հերոսին` ‹‹Читалия››  երկրից: Նրանց միջև ծավալվեց հետաքրքիր երկխոսություն: Աշակերտները հնչեցրին ասացվածքներ, հետաքրքիր մտքեր գրքի մասին, կարողացան հիմնավորել, թե ինչու է գիրքը մարդու բարեկամը, ներկայացրին հետաքրքրիր տեղեկություններ գրքի ստեղծման, տպագրման պատմությունից:

 

Գիրքը մարմնավորած հերոսը խոսեց իր հետ ճիշտ վարվելու մասին: Գրքի նկատմամբ հարգանքի դրսևորմանն էր ուղղված նաև մյուս հերոսի` Բժիշկ Այբոլիտի այցելությունը, որն այս անգամ  ‹‹բուժելու էր›› դպրոցական գրդարանից բերված ‹‹հիվանդ գրքերը››: Բժիշկ Այբոլիտը կազմակերպեց գործնական աշխատանք`հանձնարարելով աշակերտներին վերանորոգել գրքերը: Հետաքրքիր էր նաև բժշկի տված խորհուրդները` ‹‹գրքին չհիվանդացնելու, առողջ պահելու›› վերաբերյալ:

 

Կազմակերպվեց ‹‹Իմ  սիրած հերոսը›› թեմայով վիկտորինա և նկարչական մրցույթ: Դասը եզրափակվեց  ‹‹Чему учат в школе››  երգով:

 

Դասանյութի շրջանակում ուսուցիչը կարողացավ ընդլայնել աշակերտների ճանաչողական դաշտը, զարգացնել հաղորդակցական կարողությունները, արժեքային համակարգը, բարեկիրթ խոսք և վարքագիծ դրսևորելու կարողությունները: