«Կոմիտաս… միանանք երգով»

«Կոմիտաս… միանանք երգով» խորագրով միջոցառմանը  մասնակցում էին դպրոցի 1-ից 4-րդ դասարանների 320 աշակերտ, որոնց երգով միացել էին ուսուցիչներ, ծնողներ, հյուրեր: Միջոցառումը նպատակ ուներ Կոմիտասի անաղարտ երգի միջոցով ՙհակաբացիլ՚ ներարկել մեր մատաղ սերնդի հոգիներում` պաշտպանելով այսօրվա անճաշակ երաժշտությունից:

 

Ներկայացվում էր Կոմիտասի կյանքն ու գործունեությունը: Աշակերտների մեղրածոր ձայնը տարածվում էր դպրոցի ճեմասրահում: Նրանց միանում էր հանդիսատեսը` հնարավորություն ունենալով էկրանին հետևել բոլոր երգերի խոսքերին: «Չինար ես» և «Շուշիկի պարը» երաժշտությունների ներքո 4-րդ դասարանների գեղուհիները ներկայացրին իրենց հրաշալի պարերը: Շվիի քաղցրահնչուն ելևէջները «Կաքավիկ» երգով հիացրին բոլորին:

 

Միջոցառման անմիջական մասնակիցներն էին բոլոր դասվարները, ովքեր հանդես եկան Կոմիտասի «Ով, մեծասքանչ դու լեզու» երգի երգչախմբային երկձայն կատարումով:

 

Ցերեկույթն ամփոփվեց Պարույր Սևակի խոսքերով.

 

Դու Ամենայն Հայոց Երգի Վեհափառն ես,

Դու` մեր երգի Մեսրոպ Մաշտոց,

Գիրն ու տառն ես Հայոց երգի…