Կրթական համագործակցություն

Ընդգծելով,  որ սլովակյան կողմի հետ համաձայնություն է ձեռքբերվել ընդլայնելու գիտակրթական համագործակցությունը՝  նախարարը նշել է, որ համալսարանը կարող է միջբուհական հարթակի վրա համագործակցել ՀՀ բուհերի հետ ինչպես բժշկական, այնպես էլ հումանիտար մասնագիտությունների ուղղությամբ: Այնուհետև Արմեն Աշոտյանը հանդիպել է համալսարանի ուսանողության հետ և հանդես եկել դասախոսություն-զեկույցով:  Նախարարը նախ անդրադարձ է կատարել հայ ժողովրդի պատմությանը և նրա դերին՝ համաշխարհային քաղաքակրթության զարգացման գործում, ապա ներկայացրել ժամանակակից աշխարհաքաղաքական զարգացումների համատեքստում Հայաստանի առջև ծառացած հիմնական մարտահրավերներն ու դրանց դիմակայման գործում ազգային կրթության դերը: