«Ա» տառի «տոնը» Արտաշատի թիվ 1 հիմնական դպրոցում

Տպավորությունն այնպիսին էր, որ դասարանում աշնան փերիներ են ճախրում: Այս ամենին ներդաշնակվեցին  1-ին «գ»   դասարանի   փոքրիկները, որոնց  շուրթերից հնչեցին աշնանային տրամադրություն ստեղծող բանաստեղծություններ: Այս ամենի մեջ հայ լինելն իր առանցքային դերն էր գրավում:

 

                            Ես դեռ անբարբառ մի փոքրիկ մանուկ,

                            Որ մկրտվեցի քո լույս գրերով,

                            Բացվեց փակ լեզուս, կարդում եմ, գրում,

                            Քո սրբագործած հայոց գրերով…

 

 Այս ամենն իրոք  լավ էր կազմակերպել դասվար  Արգինե Կիրակոսյանը: Միջոցառման սցենարն, ինչպես նաև բանաստեղծությունների գերակշիռ մասը ստեղծագործել   էր դասվարը՝   նոր   շունչ   ու  հոգի   հաղորդելով միջոցառմանը: Դպրոցի տնօրեն Անահիտ Վարդանյանը շնորհավորելով երեխաներին`  նշեց, որ միայն հպարտություն կարելի է ապրել այդպիսի միջոցառման համար և հպարտ է, որ այս փոքրիլները մեր վաղվա լուսավոր ապագան կերտողներն են: