«Հեքիաթային աշուն»-ը Արա Հարությունյանի անվան դպրոցում

Աշունն իր բազմերանգ գույներով հյուր  էր եկել  այս դասարանին: Աննկարագրելի գեղեցիկ էր դասարանը՝ աշնանային հեքիաթին միախառնված: Դասարանում ամենուրեք ստեղծված էր բնության հրաշալի տեսարան, իսկ դասարանի հատակը ծածկված էր գեղեցիկ գորգով, որը պատրաստված էր ծառերից թափված գույնզգույն տերևներով:

 

 Վիվալդիի երաժշտության հնչյունների ներքո աշակերտների խոսքը, բանաստեղծությունները, հանելուկներն ու աշնանային տեսարանն ավելի ներդաշնակ էր պատկերվում:

 

 Հյուր էր եկել նաև Աշուն-մայրիկը`բերք ու բարիքով: Դասի ավարտին աշակերտները գույնզգույն տերևների վրա գրեցին իրենց շնորհակալական խոսքն ու բարեմաղթանքներն և դրեցին Աշուն- մայրիկի գոգնոցի մեջ:

 

   Այս հրաշալի տպավորությունները դեռ երկար կմնան աշակերտների հիշողության մեջ: