Ցուցահանդես-միամսյակ` նվիրված ՀՀ ԶՈՒ 21-ամյակին

Ցուցահանդեսին մասնակցեցին դպրոցի III -XII դասարանների աշակերտները` ներկայանալով իրենց ձեռքերով պատրաստած զինվորական զորամասերի մոդելների մակետներով: Յուրաքանչյուր դասարան յուրովի էր մեկնաբանում ցուցահանդեսին ներկայացրած իր աշխատանը: Նրանց բոլորի խոսքի մեջ զգացվում էր հայրենասիրական բարձր ոգին և հպարտությունը` մեր փոքրիկ Հայաստանի մարտունակ ու հզոր բանակի նկատմամբ: Միամսյակի ընթացքում հաճախակի կազմակերպվում են նաև միջոցառումներ, իսկ աշխատանքների ցուցադրությունը և համալրումը կշարունակվի մինչև փետրվարի 23-ը: