Ցերեկույթ` Բամբակաշատի միջնակարգ դպրոցում

Բացման խոսքի մեջ նշվեց. «Երեխաները մեր ապագայի ոսկեթև հրեշտակներն են, տա Աստված, որ նրանք միշտ ապրեն` հմայված աշխարհի հեքիաթով և ողջունեն բացվող բոլոր արշալույսները…»:

 

Նշվեց , որ երեխա է համարվում 18 տարին չլրացած յուրաքանչյուր անձ:

 Աշակերտները ներկայացրեցին ՄԱԿ-ի Գլխավոր ասամբլեայի կողմից ընդունված Երեխայի իրավունքների Հռչակագրից և Երեխայի իրավունքների Համաձայնագրից մի շարք հոդվածներ: Այդ ընթացքում կատարվում էին նաև երեխաներին նվիրված երգեր:

 

Երեխաները միշտ էլ եղել են մարդկային հասարակության ուշադրության կենտրոնում , հայ գրողներից և բանաստեղծներից շատերը իրենց ստեղծագործություններում հաճախ են անդրադարձել այդ թեմային:

 

Աշակերտները հնչեցրին Հովհաննես Թումանյանի, Պարույր Սևակի, Սիլվա Կապուտիկյանի, Միքայել Նալբանդյանի և այլ շատ բանաստեղծների ստեղծագործություններ` նվիրված երեխաներին:

 

Փակման խոսքի մեջ ցերեկույթը վարողի կողմից հնչեցին բարեմաղթանքի խոսքեր` աշակերտներին ուղղված :

Թող բոլոր երեխաները լինեն առողջ, կարգապահ և աշխատասեր, որպեսզի բարձր առաջադիմությամբ հիմքեր ստեղծեն հայրենիքին արժանի և օգտակար մարդիկ դառնալու համար: