«Ա» տառի շնորհանդեսը Արտաշատի թիվ 2 հիմնական դպրոցում

 Տոնական ու գունեղ էր դպրոցի դահլիճը: Միջոցառման սկզբում երեխաներն անսպասելի հայտնվեցին Տառաշխարհ քաղաքում: Երեխաներին հյուր էին եկել կարմրակատար աքաղաղը, բրդոտ արջը, խորամանկ աղվեսը:

 

 Փոքրիկների շուրթերից հնչեցին երգեր, բանաստեղծություններ, հանելուկներ: Բեմադրությամբ, ասմունքով երեխաներն ի ցույց դրեցին իրենց գիտելիքները, և միջոցառումը վերածվեց հրաշալի տոնի: Միջոցառման վերջում «Ա» տառն իր գեղեցիկ երգով ազդարարեց իր ծնունդը, և երեխաները համտեսեցին ծննդյան տորթը:

 

«Ա» տառի ուսուցումը վերածվեց տոնի և դարձավ հիշարժան օր 1-ն «ա» դասարանի երեխաների համար:

 

Սեփական լրատվություն