Աշնանային մրգահանդես` Զորավանի միջնակարգ դպրոցում

Վերջապես եկավ սպասված պահը՝ազդարարվեց միջոցառման սկիզբը: Դահլիճում լսվեց «Մրգապալատի» մառանապետի  երգը և աստիճանաբար լռեցին բոլոր ձայները: Մանկագիր Երվանդ Պետրոսյանի «Մրգահանդես» բանաստեղծական ժողավածուի մոտիվներով ուսուցչուհի Ռուզաննա Սարգսյանը կազմակերպել էր երաժշտական բեմականացում, որտեղ աշակերտները ներկայանում էին   քաղցրահամ ու անուշաբույր մրգերի կերպարներով, իսկ դպրոցի դահլիճը վերածվել էր մրգապալատի: Աշակերտների մրգային հագուստները, դերասանական խաղն ու խոսքը, երգն ու պարը մեծ ոգևորություն հաղորդեցին ներկաներին: Ուուցիչ, թե աշակերտ հիացական հայացքներով հետևում էին «միրգ-դերասանների» խաղին, իսկ ուսուցչուհու հայացքից զգացվում էր մի ներքին անահանգստություն՝ հանկարծ փոքրիկները չշփոթվեն…

 

Միջոցառումն ավարտվեց, իսկ ներկաները չէին էլ զգացել, թե ինչպես անցավ այդ հիսուն րոպեն, իսկ փոքրիկները և ուսուցչուհին արժանացան գովասանքի և հոտնկայս ծափահարությունների:

 

Դպրոցի տնօրեն Հենրիետա Հովհաննիսյանը իր շնորհակալական խոսքում նշեց՝ «Երեխան դպրոցում է ծանոթանում գեղագիտության տարրերին, նրա մեջ մանկավարժն է զարգացնում սեր դեպի արվեստը, մշակույթը, սեր դեպի բարին ու գեղեցիկը: Չէ՞ որ գեղեցիկը կփրկի աշխարհը, իսկ փոքրիկները մեր ապագան են, ուստի նրանք պիտի լինեն գեղեցիկի կերտողները»:

 

Դպրոցի տնօրինության կողմից դասարանը պարգևատրվեց շնորհակալական պատվոգրով: