Կրթությունը անհատի պատիվն է, հենասյունը, ճանապարհը դեպի ապագա, որը կփրկի մեր Երկիր մոլորակում բնակվող մարդկանց ոչնչացումից, քանի որ համատարած դեգրադացիայի հետեւանքով աստիճանաբար մարդ արարածը վերածվում է մի դատարկ փուչիկի ՝ զուրկ ինտելեկտից, բանականությունից : Իսկ դա իմ կարծիքով բոլոր չարիքներից վատագույնն է: Չէ որ Աստված մեզ օժտել է նոր գիտելիքներ ձեռք բերելու անսպառ ցանկությամբ,ինքնակատարելագործման շնորհերով: Ցավոք,ժամանակակից երիտասարդությունը օտարվել է գիտությունից ՝պատճառաբանելով ,որ նրանց դա անհրաժեշտ չէ ,իսկ չէ որ կրթությունը թաքնված հարստություն է : Իմ կյանքում մեծ է կրթության դերը , քանի որ մեր օրերում առանց կրթության այդքան էլ դյուրին չէ հասնել բարձունքների : Գնահատում եմ այն ուսուցիչների աշխատանքը , որոնք զարգացնում են խելոք , առաքինի քաղաքացիներ , ապահովում են աշակերտների համակողմանի- ներդաշնակ դաստիարակությունը , զարգացումը : Ես երախտագիտություն եմ հայտնում մեր դպրոցի տնօրենին , ուսմասվարներին եվ ուսուցիչներին , քանի որ նրանց բոլորանվեր աշխատանքն է մղել ինձ գիտելիքների անսահման օվկիանոսը : Ազատ ժամանակ նախընտրում եմ ընթերցել հանրահայտ գրողների ստեղծագործությունները , աֆորիզմները : Դպրոցս ավարտելուց հետո ցանկանում եմ ուսումս շարունակել Երեվանի պետական համալսարանի իրավաբանական ֆակուլտետում : Իրավաբան դառնալով՝ ես ուզում եմ բարեփոխումներ կատարել , ազնիվ եվ արդար որոշումներ կայացնել , օգնել անելանելի վիճակում գտնվողին , ի վերջո ուզում եմ , որ արդարություն եվ ազնվություն տիրի իմ երկրում , վերանան բոլոր չարիքները : Հուսով եմ , որ կիրականանա իմ բաղձանքը եվ ես կդառնամ իմ հայրենիքին արժանի զավակ : Կարծում եմ , որ ինչ դարաշրջանում էլ անհատն ապրի , կրթությունը ուղեկցելու է նրան , մեծ դեր է ունենալու նրա կյանքում , քանի որ ժամանակը գնում է , մենք կերտում ենք մեր ապագան , որի մեջ մեզ սատարում են գիտելիքները : Չէ որ գիտելիքն է գեղեցկացնում մարդուն :